April 2023
Hierdie huis van ons is nogal eienaardig, soos al die Griekse huise maar is. As ons na ons driehoekige tuin toe wil gaan, moet ons by die voordeur, wat op straat is, uitgaan en omloop tuin toe. Nou kan ek nie met my pajamies uitgaan nie, want die bure en al die verbygangers sien ons.
So begin die tweede projek. "Projek Balkon". Dit is nog steeds half eienaardig, want nou gaan ons by die gastekamer se deur uit en loop dan tuin toe. Darem in privaatheid.
Andreas doen sommer die werk ook terwyl hy aan die muur bou. Eers word die reling afgesaag om 'n nuwe blad vir die landing te maak. Allerhande ysters en goed word daar ingebou as versterking. Blad word gegiet en word gestut deur 'n baie sterk staal pilaar.
Die trapmuur word afgebreuk en nuwe trapmuur word gebou. Die konkreetwerk moet nou vir 28 dae rus om sterk te word. Archie maak dit elke dag nat. Dit versterk die sement. Intussen bou Andreas muur.
Die "plaka" (slasto) word toe gelê. Andreas sweis die afgesnyde reëling aan die ander deel vas om een lang reëling te maak. Dan is dit net die verfwerk en opruim. En toe is dit klaar. ' n Nuwe ingang tot die huis en ons toegang tot die tuin. Ai, dis lekker om Marchie's Place so te verbeter en te verfraai.
Elke oggend vra Archie: "Come into the garden Maud" (Dis báie Engels). Dan loop ons deur die gastekamer na ons driehoekige tuin toe, groet die plante en vra hulle om asseblief mooi te groei.
Come into the garden, Maud,
For the black bat, night, has flown,
Come into the garden, Maud,
I am here at the gate alone;
And the woodbine spices are wafted abroad,
And the musk of the rose is blown.
by Alfred, Lord Tennyson
 |
| Nuwe muur gebou en begin met plaveisel |
 |
| Netjiese werk |
 |
| Klaar |
 |
| Nuwe plaveisel |
 |
| Kant en klaar |
 |
| Reg vir gaste |
No comments:
Post a Comment