10 September 2019. Dinsdag.
Daar is 'n groot
Hollywood tipe naambord in Braşov. En dis op Berg Tâmpa. Dis waarheen
ons vandag gaan stap. Gestewel en gespoor en daar trek ons. Daar is wel
'n kabelkar boontoe, maar hoe ken jy vir ons?! Die berg is maar net 960m hoog.
 |
| Naambord |
Ons
stap tussen die woud berg-op. 'n Maklike pad, tussen bome en heerlik
koel. Die roete is baie goed met 'n rooi en wit ∆ gemerk. Die ou dorp
kruip vir ons weg daar onder in die vallei.
Eers toe ons bo by die naambord kom, kan ons die rooidakkies vreedsaam daar onder sien lê. Oral is die mooi geboue te sien.
 |
| Braşov |
 |
| Dorpsplein |
Ons
stap vêrder na die saal en kyk af op 'n ander deel van die dorp. Aan
die linkerkant is nog berge met groen boom plantasies. Daar is 'n klomp
jongmense wat die mooi saam met ons bewonder.
 |
| Braşov |
 |
| Groot begraafplaas |
 |
| Jongmense |
Ons
stap met die geel en wit ∆ roete terug. Maar my maggies, raak dit toe
steil af! Gelukkig het hulle handreëlings daar gesit waaraan ek kan
klou. Af af af en toe nog 'n bietjie af. Dis eintlik pragtig en
opwindend om die roete te stap. Ek sit 'n rukkie op die bankie. Ons stap verder en die einde is in sig. Dit was omtrent 'n heerlike stappie.
 |
| Steil af |
 |
| Bankie |
 |
| Einde in sig |
 |
| Herfsblaar |
Die lang staptog het ons nou behoorlik honger gemaak. Ons besluit om tradisioneel Roemeens te eet. En niks is so tradisioneel soos 'n lekker bakkie afvalsop nie! Hulle bedien dit met brood en suurroom.
Ons
koop 'n hoender om vanaand die lewe met 'n plathoender en blomkool te
vier. Dis vir my heerlik om 'n oond te hê waarin ek iets kan bak en my lyf roep na groente.
 |
| Afvalsop |
 |
| Plathoender |
