9 Augustus 2015. Sondag.
Vandag is die dag. Chris en Zane
vlieg vandag na Santorini en ons gaan hulle daar ontmoet. Ons maak seker dat
Maja baie veilig vas in Ios is en daar trek ons op die vinnige veerboot, wat
natuurlik ’n uur laat is.
Die aankoms by Santorini is altyd
baie indrukwekkend. Jy vaar so in die krater in. Die pad wat die bus ry, is
smal met die een draai op die ander. Dan is ons in Fira, wat die hoofdorp van
die eiland is. Ons gaan na ons blyplek, Villa Costa Marina. Dis ’n heerlike
ruim kamer, baie luuks. Dis nog leeg, Chris en Zane is nog op straat. En ons
wil hulle SOOO graag sien.
En toe is hulle daar, met breë
glimlagte en vreeslik opgewonde. Hulle is moeg, maar ons gaan in elk geval dorp
toe.
 |
| Chris, Zané en Archie |
 |
| Ek en Zané |
Fira is ’n pragtige dorp wat op die rand van die krater gebou is. Ons
verlustig ons in die skitterwit huisies, winkeltjies en die baie kerkies. Ons
loop op en af in die strate, en geniet die laatword en aandword saam met nog ’n
klomp ander toeriste.
 |
| Fira |
 |
| Fira |
Die drie dapperes met werkende
knieë stap die steiltes af na die hawe, so tussen die stink van die donkies.
Hulle stap halfpad af voordat hulle tot hulle sinne kom en terugstap. Ek wag
ewe geduldig vir hulle.En die gestap maak mens honger, veral vir Chris is honger. Hy is altyd honger. Ons kry n lekker eetplekkie en ons sit aan. Die ete word met retsina afgeskop.
 |
| Donkie taxis |
 |
| Skink retsina |
