16 tot 18 Augustus 2019. Vrydag tot Sondag.
 |
| Tsonia tot Mytilini |
Vandag
is dit na ons laaste Griekse bestemming voordat ons weer Turkye toe
moet gaan. Ons Griekse tyd is besig om uit te loop en ons moet 'n paar
Schengen dae spaar om vir Maja in Lesvos vir haar winterslaap voor te berei. Anker
op en weg is ons na Mytilini, 20.3 myl.
 |
| Oggendskoot |
Ons
vaar maar net, vorentoe, altyd vorentoe. Mytilini kom al nader en
nader. Die kasteel is nog steeds daar as bewys dat ons hier is en ons
vaar by die hawe in en gaan na die marina. Hulle het plek vir ons en
maklik tru Archie en ek kry die snoettou. En vas is ons vir die volgende
drie nagte. Archie gaan 'n jaarkontrak hier uitneem vir Maja se
oorwintering. Met die bonus dat ons gratis in alle Setur marinas in
Turkye kan bly.
Die
kasteel was verlede gesluit as gevolg van aardbewing skade en nou hoop ek
net dis hierdie jaar oop dat ons dit kan gaan besoek. Ons stap toe in die
bloedige hitte dorp toe. Mytilini se koepelkerk is nog net so mooi soos
altyd.
 |
| Waterfront |
Op op op kasteel
toe. Die noordelike ingang is nog steeds toe, want hulle werk hier aan
die kasteel. Die aardbewing se skade is duidelik sigbaar, maar dis goeie
nuus dat hulle nou besig is om dit te herstel. Ons stap langs die see,
al langs die kasteel.
 |
| Stap langs die see |
 |
| "Shrine" in die rotse |
Groot
is ons verrassing toe die suidelike ingang van die kasteel oop is. Ek
betaal my € 2 en opgewonde begin ek die kasteel verken. Die mure staan
steeds en die punte is so tipies kasteel. Sekere dele is nog toe, maar
daar is baie plekke waar jy nog tot bo op die muur kan klim. Die dorp lê
rooidak- mooi in die son en in die vêrte kan jy die marina sien.
 |
| Kasteelmuur |
 |
| In die kasteel |
 |
| Uitsig oor dorp en hawe |
Die
ou kerkie is pragtig herstel en die Ottoman huise is pragtig. Die
cistern het jou waarlik nog water in. Ek loop oral rond en kyk hoe
pragtig blou die see deur die boë lyk. Turkye se berge word wit versier
met die mooiste wolke. In die see is die geel-bruin bewys van die
antieke breekwater.
 |
| Kerkie |
 |
| Ottoman huis |
 |
| "Cistern" |
 |
| Antieke breekwater |
 |
| Boog |
 |
| Kasteelbewoners |
 |
| Skietgat |
 |
| Kanon … |
 |
| … en die balle |
Ek
stap toe maar uit die verlede terug na die hede, waar Archie buite vir
my wag. Hy is mos nie so lief vir die ou goed nie. Ek is gelukkig en
tevrede dat ek uiteindelik die kasteel van binne kon beleef.
Ons gaan nou hier in die marina bly totdat ons Maandag gaan uitklaar en na Turkye vertrek.
