Athene. Adam en die susters van Eva.

29 Junie 2014. Sondag.

Geluk met jou verjaarsdag, Michelle.

Athene is sweetwarm. Maja is broeiend, kokend warm.

30 Junie 2014. Maandag.

Die susters van Eva daag by die stasie op. Hulle rugsakke weeg 'n ton. Arme ou Archie moet help dra.

... en dit is as hulle lig reis!

Ons stap na Maja en hulle gaan aan boord. Elize ken al die plank en sy loop ligvoets oor. Annette loop maar versigtig. Die plank lyk seker nie vir haar so stewig nie.

Elize en Annette

Elize stap ligvoets oor ...

... en dan Annette

Ons ontspan so 'n rukkie saam en toe gaan ons almal stasie toe, ek en Archie gaan voorrade koop en Elize en Annette sien kans vir die stad.

Hulle kom net betyds terug vir aandete, seker maar honger. Hulle verras ons met hemde vir ons almal. Dit het 'n foto van Maja op en 'n unieke spreuk vir elkeen.  Baie oorspronklik.

Ons klink 'n glasie en dis lekker om hulle hier te hê. Ou Archie is nou die haan onder die henne, Adam tussen die susters van Eva.

Spog met nuwe hemde