8 September 2014. Maandag.
 |
| Sarpdere tot Kirkdilim |
Dis van die een mooi baai na die ander een. Ons vat dit maar stadig, want dis nie ver na Kuşadasi toe nie en ons het 'n week om daar te kom.
 |
| Vroegoggend Sarpdere |
Vandag is dit Kirkdilim (38°08.613 N, 26°33.918 O), net 7.5 myl. Ons vertrek saam met 'n magdom wolke, hulle bo en ons onder. Hulle seil deur die lug en ons seil op die water.
 |
| Tektas Eiland |
 |
| Magdom wolke |
Sommer gou is ons daar. Die baai strek diep in die land in. Weer omring deur berge.
 |
| Kirkdilim Baai |
Ons roei land toe en Archie versamel allerande toue wat hy optel. Terug by Maja, sit hy en ontrafel hy die toue asof dit 'n speurverhaal is.
 |
| Geen internet nie |
Ons is stoksielalleen in die baai. Totdat 'n swerm dorstige bye kom water soek. Ons nooi hulle vir 'n "sundowner". Hulle drink buite en ons drink binne, met alle moontlike openinge in Maja dig toegemaak.
 |
| "Sundowners" |
