21 Augustus 2022. Sondag.
Ons staan weer douvoordag op, drink koffie en stap op na die sonsopkoms uitsigpunt. Minstens 102 balonne vul die lugruim bokant Göreme. Archie het getel. Daar is waarskynlik meer. Dis prentjiemooi.
Ons stap verder na die beginpunt van ons stap, Zemi Vallei. Die groot kasteel van Uçhisar, pryk aan ons regterkant. Balonne sweef droomverlore oor die landskap. Die son gee betekenis aan die spreekwoord "Die oggendstond het goud in die mond".
Die Zemi Vallei is 'n waterryke groen vallei, anders as die ander valleie wat baie warm en droog is. Vrugte is vollop in die geweste. Ons eet geurige appeltjies en smaaklike pruimpies. Die druiwe en kwepers in ongelukkig nog groen.
Daar is ook mooi rotsvorms, maar nie so vollop soos in die ander valleie nie. Aan die einde van ons stap, kom ons op die mooi feetjie skoorstene af. Ptagtig. Ons stap 10.4 km vir die dag. Dit was 'n doodgewone heerlike stap.
 |
| Sarniç Kerk (11de eeu), grotkerk |
 |
| Sarniç Kerk |
 |
| Pluk appels |
 |
| Pluk pruime |
 |
| Brood en kaas |
 |
| Feetjie skoorstene |
 |
| Feetjie skoorstene |
