Elize en Martie. Dansfees

7 en 8 Julie 2023

As daar 'n fees is, is ek daar. En Elize en Martie ook. Hierdie jaar is die jaarlikse dansfees op Skopelos en omtrent 700 dansers neem deel. Hulle kom vanoor die hele Griekeland. 

Elke aand sit ons op die harde ongemaklike sement pawiljoen. En ons verkyk ons aan die verskillende streke se tradisionele klere. Wel, ek moet sê, ons het dit geniet.

Elize en Martie. Bootrit na Alanissos

 4 Julie 2024

Ons is baie opgewonde. Ons gaan die heeldag op 'n boottoer. Kleurvoller as ons, kan jy nie kry nie. Ons gaan vroeg en kry lekker sitplekke in die koelte.

Dis vir my lekker om weer op die water te wees. Die see vloei onder die boot deur. Skopelos lyk prentjiemooi vanaf die water.

Daar heers 'n vrolike atmosfeer op die boot. Almal babbel opgewonde. Ek dink natuurlik ons lyk die kleurvolste op die boot. Sommige sit lekker en brand.

Ons eerste stop is die hawedorp Patitiri en die chora. Ons ry met 'n bus boontoe. Dis 'n mooi oudorp en ons loop bont-bont daar rond. Die een en ander items word deur die twee aangekoop. Toe gaan ons terug boot toe en vaar verder.

Ons stop by 'n mooi strand en swem lekker. Wat 'n lekker dag. Ons kom doodmoeg by Marchie's Place aan en geniet die rustigheid van die  stoep terdeë.

Dressed to impress

Bontebok

Skopelos

Skopelos se punt

Voortvarendes

Lus vir bootry

Sonsitters

Model Martie

Chora

Chora

Bo in chora

Blou en wit

Loop in chora

Ou kerk

Uitsig

Skep asem

Denker

Dramatiese potplante

Maak indruk

Vervoer

Terugtog

Elize en Martie. Mamma Mia toer

1 Julie 2023

Ons klim die bus en daar trek ons op die Mamma Mia toer. Ons ry die kronkelpaaie deur die mooie Skopelos en ons eerste stop is die Olyfpars naby Glossa. 

Toe ry ons verder na die bekende kerke op die berg van die Mamma Mia fliek. Ons klim al daai trappies. Behoorlik op opper opste na die kerkie. En bo is ons. Die kerkie is klein en eenvoudig. Toe blaas ons die aftog en toer verder na een van die strande in die fliek, Kastani strand. Hier swem ons heerlik in die see. 

Die laaste stop was vir middagete by Agnondas waar ons heerlik sit en die kos geniet, sommer so langs die see. Vir my was dit 'n heerlike toer. Om net met die bus te ry en die eiland te sien, is al klaar 'n belewenis.

Kerkie daar bo

Ek en Elize

Martie en Elize voor die klim

Baie trappies

Gereed

Steil op boontoe

Handrelings

Binne die kerk

Kerkie

Martie voor die aftog

Elize is reg vir aksie

Af affer afste

Mooi see

Olyfpars

Kastani strand