 |
| Skadar Meer ekskursie (Bruin roete) |
Ons word wakker en dit reën. Ons het 'n boottoer bespreek vir 10:00 op Skadar Meer. Nogal duur en ons gaan letterlik die geld in die water gooi as dit reën. Dis 'n sien-toer en jy kan nie die mooi sien as dit reën nie. Teen 9:00 sien ons 'n klein stukkie blou lug. Daar's hoop! Ons stap 9:45 na die Pelikan Hotel waar ons by die groep moet inval.
 |
| 'n Stukkie blou lug |
Ons klim op die ekskursie boot. Daar is 'n klomp vreemde mense op die boot. Hulle klink Frans. Ons gaan sit heel voor in die boot dat ons mooi kan sien. Daar heers 'n aansteeklike vrolikheid op die boot. Dit kekkel en lag. Ons is die enigste ander mense op die boot maar voel gou tuis, want ek is mos eintlik van Franse afkoms.
Om by die meer uit te kom, vaar ons in 'n kanaal wat deur die vleiland gaan.
 |
| Vleiland |
 |
| Kanaal deur vleiland |
Die toerleier kom daar aan met 'n bottel "water" en plastiese glasies. Sy gooi vir almal van die water in. Tot vir ons.
 |
| Raaswater |
Almal trek gesig as hulle dit drink. Dis sterk. Dit slaan jou asem weg, maak jou bolip lam en laat jou sweet. Glo vir my, dis alles behalwe water! Nou kekkel en lag hulle eers. Archie sê dit is hoe my vrouens-etes klink. (Ek dink hy oordryf).
 |
| Kekkel en lag |
Ons kyk na die meer. Dis mooi en ons is bly die son skyn.
 |
| Skadar Meer |
 |
| Skadar Meer |
Net daarna kry ons vetkoek en feta. Ons eet heerlik saam met die groep.
 |
| Vetkoek en feta |
Ons vaar verby "Prison Island". Dis 'n baie klein eilandjie wat eintlik 'n tronk was. Daar heers groot opgewondenheid onder die Franse toe ons in die verte 'n pelikaan sien. Toe ons nader aan die grootbek voël kom, probeer hulle selfs stilbly dat hy nie wegvlieg nie. Maar helaas, daar vlieg hy.
 |
| "Prison Island" |
Ons bootreis duur twee ure, maar die laaste halfuur, met die teruggaan, reën dit. Ons is baie tevrede. Ons het 'n baie lekker Skadar-bootreis gehad.
 |
| Terug in Virpazar |
Die reën hou gou op en ons stap rond. Virpazar is 'n besige, lewendige plekkie met baie toergroepe wat hom besoek.
Sjoe ek is bly julle kon toe op die bootreis gaan,lyk omtrent na n vrolike klomp raaswater en al .Hier is dit regtig nog lekker warm bedags,net die nagte is koud.Maar Ms winter gaan seker een of ander tyd met mening kom kuier.Geniet julle dae op land.Liefde Esther
ReplyDeleteHi julle
ReplyDeleteOns het gisteraand heeerlike sop geeet met Laains se verjaarsdag..met berge se lekker murg sopbene. En om dit te finaliseer, het ons vandag sommer ook 'n pottjie en potbrood by Laains weggewerk. Ons is nou almal trommeldik...en dik. Almal stuur vreeslik groete. Ag, jy moet sien hoe oulik is Isabella nou... net hare...
Geniet dit daar. Dit lyk baie mooi!
Gerrie
hi julle twee! ons het ook van die potjie geeet. eers daar aangekom toe die ander al poeding eet, want ek was op n kursus en Fanie het alles op die plaas reggekry vir die weggaan. laaina het lekker verjaar. yoli en Marius was ook daar. Isabella is pragtig. eks bly die reen het julle kans gegee om op die bootreis te gaan. die mense lyk baie interessant, en ek kan my die gekekkel voorstel na die snapsie. was koud, die mense is dik aangetrek.
ReplyDeletegeniet dit
Liefde xxxElize