Ons vaar vandag van Trogir na Split. Kaptein span die seile en ons maak die beste gebruik van die effense wind wat ons kry. Dis 'n pragtige dag, vol sonskyn en blou water. Dis amper of die water jou wil inlok in die blou.
Die water fluister saggies en nooi ons vir 'n swem. Archie stem dadelik in en oorreed ons om ook te swem. Die eerste waterdruppels klou koud aan ons vas.
Trappie vir trappie dieper. Met die nodige gilletjies en grilletjies is ons meisies in. Ou Arch is sommer gilletjies, woeps in die water. Dis heerlik, ons swem soos meerminne in die helder blou water.
 |
| Die blouwaters lok |
 |
| Meerminne? Walvisse? |
Ons kom nader aan Split. Die dorp lyk groot en rustig. Daar is ook 'n baba-boot wedvaart aan die gang. Die ou bootjies lyk na speelgoed.
 |
| Baba-boot wedvaart |
Die wolke besluit hulle wil die son wegsteek. Het ek gesê vol sonskyn? Nie meer nie. Ons meer vas by die ACI Marina Split.
 |
| Woud van maste |
Ons gaan sommer dadelik dorp toe. Dis n ent, so 20 min se stap.
 |
| Split |
 |
| Oppad na Split |
Die oudorp bekoor my weer. Ons koop roomys en sit op die kerktrappies. Ek woon ook 'n oorvol kerkdiens in 'n baie ou kerk by.
 |
| Romeinse ruïnes |
 |
| Moderne Romeine |
 |
| Venster van my siel |
 |
| Sfinks hou wag |
Ons woon die aand 'n gratis vertoning van volksdanse by. Dit was uitstekend.
Bushy en Grietjie neem ons uit vir 'n heerlike ete om dankie te sê. Hulle is amper oppad. Hulle gaan die bus klim na Dubrovnik.
Ons loop die volgende oggend saam met hulle na die busstop. Hulle het gekom in die reën en hulle gaan in die reën. Die weer lyk dreigend! Met omhelsings en bedankings groet ons hartseer. Koebaai sê is nie lekker nie. Nou is hulle weg, en ons mis hulle al klaar.
 |
| "Koebaai julle" |
Ons slaap nog 'n aand in Split.
halo julle! sjoe, die waters daar is pragtig, deurskynend. en julle lyk soos meerminne, nie walvisse nie. split is n pragtige dorp. eks mal oor die geboue in d ou stad. en toe ek die wolkbank op die fotos sien, toe wonder ek of dit gaan reen. Ja mens verlang as die mense weggaan, dis dan so stil. nou het julle n maand vir julleself voor die volgende kuiergaste opdaag. hopelik nie in die reen nie... xxxliefde Elize
ReplyDeleteSjoe dit lyk alles baie mooi.Julle is brawe swemmers,water mooi en helder.Ek geniet die blog,voel of ek daar is sonder om die gilletjies vir koue water te gee.Jammer net nou was net n blonde oomblik,toe ek klaar is sien ek,ek het my naam vergeet.Mooi bly julle,Arch dankie vir instruksies.Groete Esther
ReplyDelete